ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ, ՏԵԽՆԻԿԱԿԱՆ ԵՎ
ՀՐԴԵՀԱՅԻՆ ԱՆՎՏԱՆԳՈՒԹՅԱՆ ՏԵՍՉԱԿԱՆ ՄԱՐՄԻՆ
ՀՐԴԵՀԱՅԻՆ ԱՆՎՏԱՆԳՈՒԹՅԱՆ ՏԵՍՉԱԿԱՆ ՄԱՐՄԻՆ
ՀՀ քաղաքաշինության, տեխնիկական և հրդեհային անվտանգության տեսչական մարմնի ղեկավար Գարեգին Խաչատրյանի գլխավորությամբ դեկտեմբերի 26-ին տեղի ունեցավ տարեվերջյան ամփոփիչ խորհրդակցություն՝ ընդլայնված կազմով, որին ներկա էին Տեսչական մարմնի ղեկավարի տեղակալներ Սուրեն Մինասյանը, Արազ Պապիկյանը, ինչպես նաև ՏՄ կառուցվածքային և տարածքային ստորաբաժանումների ղեկավարները, մասնագետները։
Օրակարգում ընդգրկված էին քաղաքաշինության, տեխնիկական և հրդեհային անվտանգության, տրանսպորտի, էներգետիկայի, պետական և տեղական նշանակության գեոդեզիական և քարտեզագրական աշխատանքների և հողօգտագործման, տիեզերական գործունեության բնագավառներում ՏՄ գործունեությանը առնչվող, այդ թվում կատարված աշխատանքների և ի հայտ եկած խնդիրների վերաբերյալ մի շարք հարցեր։
ՔՏՀԱ տեսչական մարմնի ղեկավար Գարեգին Խաչատրյանին զեկուցվեց ՀՀ Վարչապետի կողմից տրված հանձնարարականների շրջանակներում արդեն իսկ ավարտված վերահսկողական աշխատանքների արդյունքները և դրանց շարունակական կատարման ընթացքին առնչվող հարցեր։
Տեսչական մարմնի ղեկավարի տեղակալները՝ յուրաքանչյուրն իր համակարգման ոլորտում ներկայացրեց ՏՄ կողմից 2024 թվականին իրականացված հետազոտությունների, ուսումնասիրությունների և այլ վերահսկողական գործառույթների ընթացքում արձանագրված խնդիրները։
Ղեկավարի տեղակալ Արազ Պապիկյանը ներկայացրեց տեխնիկական անվտանգության ոլորտում առաջնահերթ կարգավորում պահանջող հանձնարարականների կատարման ընթացքը և արձանագրված արդյունքները։
Տեխնիկական և հրդեհային անվտանգության վարչության կողմից ներկայացվեց մասնավորապես նավթամթերքների, հեղուկ գազի, բնական (սեղմված) գազի, բենզալցակայանների նկատմամբ իրականացված վերահսկողության արդյունքները։ Համեմատական կարգով ներկայացվեց 2023 և 2024 թվականների ոլորտային ստուգումների արդյունքները։
Պլանավորվեց ոլորտային բարձր ռիսկային գործունեությամբ զբաղվող տնտեսավարող սուբյեկտների նկատմամբ հետազոտությունների, ուսումնասիրությունների անցկացման վերաբերյալ ընթացիկ աշխատանքներ։
Տրանսպորտի անվտանգության ստորաբաժանման կողմից ներկայացվեց ներկայացվեց շարժական և կշռման անշարժ հենակետերում ծանրաքարշ և մեծ եզրաչափերով տրանսպորտային միջոցների կշռման գործընթացի, տեխնիկական զննության կայանների գործունեության կազմակերպման գործընթացների և սեղմված բնական կամ հեղուկացված նավթային գազով աշխատելու համար ավտոտրանսպորտային միջոցների վրա գազաբալոնային սարքավորումների տեղադրման և (կամ) գազաբալոնների պարբերական ճնշափորձարկման կայանների, լցակայանների կողմից միայն ճնշափորձարկված գազաբալոնների լցավորման պահանջների կատարման նկատմամբ իրականացված վերահսկողական աշխատանքների վերաբերյալ տվյալները։
Ղեկավարի տեղակալ Սուրեն Մինասյանը ներկայացրեց քաղաքաշինական գործունեության, գեոդեզիայի և հողօգտագործման վերահսկողության ոլորտներում արձանագրված խախտումներն ու կատարված աշխատանքները։
Քննարկվեցին պետական և սուբվենցիոն ծրագրերի շրջանակում իրականացված վերահսկողական գործառույթների արդյունքները, վերահսկողական աշխատանքների տվյալները, արձանագրված խախտումները և այս ոլորտում առկա խնդիրները։ 
Տեսչական մարմնի ղեկավարի հանձնարարականի շրջանակում ՏՄ տարածքային ստորաբաժանումների ղեկավարները, յուրաքանչյուրն իր մարզով, ներկայացրեցին միջպետական և հանրապետական նշանակության ճանապարհների հատվածներում ինքնակամ կամ սահմանված կարգավորումների ակնհայտ խախտումներով կառուցված շինությունների գույքագրման և դրանց նկատմամբ իրականացված վերահսկողության արդյունքները։
Իրավական աջակցության և փաստաթղթաշրջանառության վարչության պետ Վարազդատ Պոկացյանը ներկայացրեց վերահսկողության ոլորտներում իրականացված վարչարարության արդյունքների վերաբերյալ տվյալները, ինչպես նաև օրենսդրական մի շարք նորմերում փոփոխություններ և լրացումներ կատարելու անհրաժեշտությունը։ Նա անդրադարձավ նաև վերահսկողության տարբեր ոլորտներում իրավական կարգավորումների հետ կապված մի շարք հարցերի։
Աշխատանքային քննարկման ավարտին ղեկավարի կողմից տրվեցին մի շարք հանձնարարականներ։
ք. Երևան, Կենտրոն վարչական շրջան, Ռոստոմի փողոց 30, (Նար-Դոս Թաուեր , 4-րդ հարկ)
+374 60 70 85 10