ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ, ՏԵԽՆԻԿԱԿԱՆ ԵՎ
ՀՐԴԵՀԱՅԻՆ ԱՆՎՏԱՆԳՈՒԹՅԱՆ ՏԵՍՉԱԿԱՆ ՄԱՐՄԻՆ
ՀՐԴԵՀԱՅԻՆ ԱՆՎՏԱՆԳՈՒԹՅԱՆ ՏԵՍՉԱԿԱՆ ՄԱՐՄԻՆ
Այսօր՝ օգոստոսի 15-ին, ՀՀ քաղաքաշինության, տեխնիկական և հրդեհային անվտանգության տեսչական մարմնում տեղի ունեցավ հերթական գործակարգավարական խորհրդակցությունը, որը վարում էր ՏՄ ղեկավար Գարեգին Խաչատրյանը։
Խորհրդակցությանը ներկա էին ղեկավարի տեղակալներ Սուրեն Մինասյանը, Արազ Պապիկյանը, Տեսչական մարմնի կառուցվածքային, տարածքային ստորաբաժանումների ղեկավարները և ՏՄ այլ աշխատակիցներ։ Աշխատանքային խորհրդակցության օրակարգում ընդգրկված էր ՏՄ գործունեությանն առնչվող տասնյակից ավելի հարց։
Քննարկվեցին ոլորտային այնպիսի կարևոր հարցեր ինչպիսիք են՝
▪️Գազաբենզալցակայաններում ու տեխզննման կայաններում իրականացվող վերահսկողական աշխատանքները։
▪️Հանրապետական և միջպետական նշանակության ճանապարհների եզրերին կառուցված ինքնակամ շինությունների մասով տարվող աշխատանքները։
▪️Պետական և սուբվենցիոն ծրագրերի շրջանակում իրականացվող վերահսկողական գործառույթների ընթացքը։
▪️Քննարկման ընթացքում բարձրաձայնվեցին ոլորտային մի շարք հարցեր՝ միտված վերահսկողական գործընթացների արդյունավետության բարձրացմանը և ոլորտային խնդիրների լուծմանը։
Տեսչական մարմնի ղեկավար Գարեգին Խաչատրյանը ստորաբաժանումների և մարզային ստորաբաժանումների ղեկավարներին վերահսկողական գործառույթների արդյունավետության բարձրացման, արձանագրված խնդիրների լուծման և գործընկեր կառույցների հետ համագործակցության զարգացման վերաբերող հանձնարարականներ տվեց՝ մեկ անգամ էլ ընդգծելով վերահսկողական ու կանխարգելիչ աշխատանքների խիստ կարևորությունը։
ք. Երևան, Կենտրոն վարչական շրջան, Ռոստոմի փողոց 30, (Նար-Դոս Թաուեր , 4-րդ հարկ)
+374 60 70 85 10