ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ, ՏԵԽՆԻԿԱԿԱՆ ԵՎ
ՀՐԴԵՀԱՅԻՆ ԱՆՎՏԱՆԳՈՒԹՅԱՆ ՏԵՍՉԱԿԱՆ ՄԱՐՄԻՆ
ՀՐԴԵՀԱՅԻՆ ԱՆՎՏԱՆԳՈՒԹՅԱՆ ՏԵՍՉԱԿԱՆ ՄԱՐՄԻՆ
ՀՀ քաղաքաշինության, տեխնիկական և հրդեհային անվտանգության տեսչական մարմնի ղեկավար Գարեգին Խաչատրյանի նախաձեռնությամբ Սևանի համայնքապետարանում տեղի ունեցավ աշխատանքային հանդիպում-քննարկում, որի հիմնական նպատակն էր դիտարկել և լուծումներ առաջարկել «Սևան ազգային պարկ» ՊՈԱԿ-ի հատուկ պահպանվող տարածքում առկա ինքնակամ շենք-շինությունների ապամոնտաժման և դրանց կարգավորման խնդիրներին։
Հանդիպմանը մասնակցում էին Տեսչական մարմնի ղեկավարի տեղակալ Սուրեն Մինասյանը, Սևան համայնքի ղեկավար Սարգիս Մուրադյանը, ՏՄ Գեղարքունիքի տարածքային բաժնի պետ Կամո Եդոյանը, ինչպես նաև ՀՀ Շրջակա միջավայրի նախարարության էկոպարեկային ծառայության Կոտայքի և Գեղարքունիքի մարզային վարչության պետի ժամանակավոր պաշտոնակատար Հովիկ Սաֆարյանը։
Քննարկման ընթացքում անդրադարձ կատարվեց Սևան խոշորացված համայնքում և «Սևան» ազգային պարկի տարածքում գտնվող ինքնակամ շինությունների ապամոնտաժման ու կարգավորման հարցերին։ Տեսչական մարմնի ղեկավարը, կարևորելով հանդիպման նշանակությունը, նշեց, որ գործընկերների հետ համատեղ աշխատանքի նպատակը ոչ միայն ապամոնտաժման գործընթացի կարգավորումն է, այլև հստակ և արդյունավետ համակարգի ստեղծումը, որը կկանխի նմանատիպ դեպքերի կրկնությունը։
ք. Երևան, Կենտրոն վարչական շրջան, Ռոստոմի փողոց 30, (Նար-Դոս Թաուեր , 4-րդ հարկ)
+374 60 70 85 10